125
[i5o6]
DE LA VILLE DE PARIS.
cas requist mandement plus especial, promettant soubz l'obligation des biens et revenus de lad. Ville avoir aggreable, tenu ferme et estable, tout ce que par nosd. procureurs et l'un d'eulx sera fait et be-soingné en ce que dit est et qui en deppend.
"En tesmoing de ce, nous avons fait mettre à cesd, presentes le scel de lad. Prevosté des Marchans.
"Ce fut fait le lundi dix septiesme jour d'Aoust l'an mil cinq cens et six. "
Ainsi signé : J. Hesselin.
CCVIII et CCIX.
Coppie des lettres missives pour la cause du renvoy dessusd.
19 et 20 août i5o6. (Fol. 161 v°.)
"Nostre trés honnoré et doubte seigneur, nous nous recommandons à vostre bonne grace si hum­blement que faire povons.
"Monsr, les bourgois, manans et habitans de ceste ville de Paris ont par previlege entre autres qu'ilz ne pevent estre traictez hors les murs et closture d'i­celle, pour quelque cause que ce soit, ne contraincts plaider ailleurs contre leur gré et volunté, duquel ce porteur vous fera apparoir, si c'est vostre plaisir f]).
" Ce neantmoins, aucuns s'efforcent, en venant di­rectement contre led. privilege, de vouloir tenir en cause en l'Eschicquier de Rouen ung notable reli­gieux, docteur régenta Paris en la faculté de theo­logie, esleu en abbé de Fescain, et dont à present est question par devant vous ou Grant Conseil pour la discution du renvoy.
"Mons', nous vous supplions tfés humblement vostre plaisir soit garder et entretenir les previleges de la Ville, sans iceulx souffrir enfraindre ne violer, ainsi que raison le veult; et en vous avons parfaicte fiance, et tousjours de plus en plus la Ville et les bourgois et habitans d'icelle demourenl obligez en­vers vostre noble magnificence.
"Nostre trés honoré et doubte sr, nous prions le benoist Filz de Dieu qu'il vous maintienne en sa garde.
" A Paris, le xx0 aoust. "
Ainsi soubscript : Voz trés humbles et obéissans ser­viteurs , les Prevost des Marchans et Eschevins de la ville de Paris.
Ainsi signé : J. Hesselin.
Sur lesquelles lettres est escript : A nostre trés hon­noré el doubte s" monsr le Chancelier.
Autres lettres missives.
"Reverend Pere en Dieu, nostre trés honnoré et doubte sr et pasteur, nous nous recommandons trés humblement à vostre bonne grace.
"Monsr, il y a une cause pendant à present au Grant Conseil entre religieuses personnes frere An­thoine Boyer, abbé de Saint Oyn, prétendant droit en l'abbaye de Fescain, d'une part; et frere Anthoine Le Roux, docteur regent à Paris en la faculté de theologie, esleu abbé de lad. abbaye, d'autre part: laquelle y a esté evocquée pour discuter où elle sera renvoyée à Paris ou en l'Eschicquier de Normandie.
"Monsr, nous avons previlege formel par lequel nul des bourgois et habitans de ceste ville de Paris ne peut estre tiré hors les murs et cloture d'icelle, pour quelque cause que ce soit, ne tenu plaider ail­leurs contre son gré et volunté, duquel vous fera apparoir ce porteur'1'.
A ceste cause, monsr, comme chef principal et protecteur des bourgois et habitans de ceste ville de Paris, trés humblement vous supplions vostre plaisir soit tenir la main à ce que les previleges de la Ville soient observez et gardez, et ne souffrir iceulx enfraindre ne violer. Nous vous envoyons à ceste fin procuration par delà pour requerir le renvoy de lad. cause '2>.
"Nostre trés honnoré et doublé sr et pasteur, nous prions le benoist Filz de Dieu qu'i vous maintiengne en santé.
"A Paris, le xix° jour d'Aoust."
Subscription : Voz trés humbles et devotz filz les Prevost des Marchans et Eschevins de la ville de Paris, v
Sur lesquelles est escript : «A Reverend Pere en Dieu nostre trés honnoré et doubte sr monsr evesque de Paris f3'. "
O Ce rappel à l'observation des antiques privilèges de la bourgeoisie parisienne a eu sans doute plusieurs précédents. L'un des plus reculés est la protestation formulée, dès le xiii* siècle, par la corporation des ouvriers en fer, contre les abbés de Sainte-Geneviève et de Saint-Martin-des^Champs, qui s'ingéraient de connaitre des cas litigieux en leurs justices d'Orléans ou de Blois et de Hesdin, "contre Dieu, contre roi et contre reson,- ainsi qu'il est dit au Livre des Métiers, p. 3g de notre édition.
'2' C-t-e expression -par de lan indique que l'évêque de Paris était alors absent de son diocèse. Dans Gallia Christiana (t. Viii col. 158 : Stephanus de Poncher dicitur absens ab urbe Lutecia, legatus nempe a rege in Germaniam.
(3) Malgré ses efforts, le Bureau n'obtint pas gain de cause en cette affaire. Antoine Boyer, cousin du cardinal Duprat, fut confirmé